Hr.Arnar á síðasta orðið! "punktur"

Hvað ungur nemur, gamall temur

2005-06-25T15:19:00.000-01:00

Nú þykist ég sjá hvaðan fordæmið kemur! Óþekktarormarnir í fazmo.is hafa fundið sér fyrirmyndir í æfingasalnum í World Class. Slæmt að íþróttaálfurinn hafi ekki verið þarna á staðnum daginn sem pörupiltarnir völdu sér fyrirmynd. Líklega væru þeir þá ekki með nálaför á rassinum og takandi skapsveiflur sínar út á þægu krökkunum í einföldu röðinni á Hverfisbarnum.
Ég hef svo sem ekkert fyrir mér í því að þeir fazmóar séu á sterum, nema þessa atferlishegðun, að bera ýmsa líkamsparta í hvert skipti sem myndavél er innan 10 metra radíus, að pósa hallærislega rétt eins og þeir hefðu einhvern massa að sýna, og að lemja minni-máttar. Allt týpísk stera einkenni. Ég ætla samt að gefa þessum hrekkjusvínum smá ráð; "Það er ekki nóg að taka bara stera (ef sú er raunin), það þarf líka að æfa!"
Sumir halda að það sé nóg að mæta bara á svæðið, flexa aðeins í speglunum og fara síðan í ljós. Það virkar bara ekki þannig, Sorrý!

Eftirhermur og úlfar í bleikum sauðagærum

2005-06-24T12:30:00.000-01:00

Ég hef ekki haft mikla nennu til að skrifa hér eftir að Harley'inn kom í líf mitt en DV í dag sparkaði í rassinn á mér svo um munaði, þar las ég að barbararnir í fazmo væru að gera gagngerar breytingar á bloggsíðunni sinni til að mýkja ímynd sína sem er ekkert of góð í augum okkar góðborgarana.
Kvikindin ætla að apa það eftir mér að gera síðuna sína bleika. Ósvífnu bastarðar! Fyrirsögnin á DV var "Fazmo með bleika heimasíðu". Hvern á að blekkja? Hvað er blaðamaður DV að hugsa? Er svona einfalt að slá ryki í augu hans? Fyrst gerir hann fantana í Fazmo fræga að endemum með frétt um barsmíðar þeirra á saklausu fólki í næturlífi Reykjavíkur, en nokkrum dögum síðar er hann mættur í grillveislu í boði fazmo, þar hafa þeir væntanlega hellt í hann Breezer og sýnt honum fjölskyldualbúmin þar sem á er að lýta myndir af þeim bláeygðum með snuð og í matrósarfötum, sakleysið uppmálað! Líklega hafa þeir fazmo-fantar talað við blaðamann með kökk í hálsinum og sannfært hann um að þeir hefðu bara verið á röngum stað á röngum tíma þegar barsmíðarnar fyrir utan Hverfisbarinn áttu sér stað og sökin væri í raun hjá stjórnvöldum sem hafa ekki staðið sig nógu vel í.... einhverjum andskotanum! (Alltaf best að benda bara á kerfið, klassískt!)
Nú lítur út fyrir að blaðamaður sé kominn með tærnar inn fyrir þröskuldinn í fazmo klíkuna, og þýðir það væntanlega að framvegis munum við góðborgarar aðeins fá sykuhúðaðar fréttir af gjörningum fazmo-fantana, hvort sem þeir berji á fólki eða fái sér að snæða saman... nema! að einhver annar fjölmiðill taki að sér að verða refsivöndur óþekktarorma sem ofmetnast við að taka stera.
Ég er allavega ekki sáttur við að menn misnoti bleika litinn til að fela sitt rétta eðli! Ef þú ert dusilmenni, þá skaltu velja þér lit við hæfi. Svarta bloggsíðan þeirra var þeirra rétti litur svo ágæti lesandi; ekki láta blekkjast af bleika yfirskini þeirra. Eitt sinn fantur, ávallt fantur!

2005-05-12T17:02:00.000-01:00

Harley og Þingvallavatn

Er þetta það sem ég kem til með að búa við??

2005-05-11T21:38:00.000-01:00

Ég kom heim áðan (rétt fyrir háttatíma) eftir fínan hjólatúr til Þingvalla og hlakkaði til að fara í heitt ilmfroðubað með öndina mína en "ómg!" (ó mæ gad) litla íbúðin var hálffull af litlum táningastelpum sem skríkjuðu og ískruðu í hættulega háum tónum. Það var víst a.n.t.m. kvöld hjá þeim sem stendur fyrir "Næsta toppmódel Ameríku" upp á íslensku. Þá hittast þær yfir snakki og kóka kóla og uppfæra nýjasta slúðrið með tilheyrandi hissa-upphrópunum og ómg'um! Ég reyndi að halda ró minni, settist niður með fréttablaðið inn í eldhúsi en ég komst aldrei niður fyrir fyrirsögnina á forsíðunni vegna hljóðtruflana úr stofunni, svo það var bara tvennt í stöðunni. Annað hvort að gefast upp og blanda geði við hópinn með hissa-ópum og "ómg'um" eða að gefast upp og yfirgefa staðinn!
Ég valdi þann síðari og gafst upp...

Tilkynning

2005-05-08T19:02:00.000-01:00

Ástæða þess að ég hef ekki skrifað hér í dágóðan tíma er tvennskonar;
Ég nenni einfaldlega ekki að skrifa þegar enginn er innblásturinn og skrifa bara til að skrifa. Að skrifa um daginn og veginn eða veðrið er eitthvað sem er óþarfi. Það kunna nú flestir að gá til veðurs og dagar og vegir eru einfaldlega of flókið efni til að skrifa um, ég vil heldur halda mig við auðvelt stuff eins og mannseðlið og tilgang lífsins.
Hin ástæðan er Harley Davidson Sportster 883, árgerð 2000. :)

Vill einhver stofna "gengi" með mér?

2005-04-20T21:17:00.000-01:00

Hvað er flottara en að vera í gengi og labba um og lúskra á fólki? Ég er viss um að ef ég næ að hóa saman nokkrum hel-illum föntum þá verð ég með svalasta gengið í bænum.
Ég er að hugsa hverjir kæmu til greina sem "undanfarar" í genginu. Það eru gaurarnir sem fara á undan genginu, æsa einhvern upp t.d. í biðröð við skemmtistað eða eitthvað og þegar "undanfarinn" mætir mótspyrnu vegna meintrar frekju og yfirgangs, þá komum við hinir og barasta lúskrum á viðkomandi! SNILLD!!
Ég hugsa að Bobby Fischer væri bestur í starfann.
Svo er málið að vera bara nógu margir til að sparka í liggjandi fólk því ekki má það gerast að jafnréttis sé gætt þegar slagsmálin byrja, því þá er ekkert öruggt um sigur!
Reyndar hef ég frétt að talsverð samkeppni sé í þessum bransa. Það sé hreinlega slegist um að fá að berja náungan. Þar sem það virðast vera einhver önnur gengi á sveimi í miðbænum um helgarnætur, þá er ég að hugsa um að halda mínu gengi bara á öðru markaðssvæði, t.d. í Smáralind á sunnudögum og herja helst á helgarpabbana. Nú eða vera með vesen í sundlaugunum, skvetta á túrista og lúskra svo á þeim!
Allt fanta-góðar hugmyndir en ég ræði það bara betur á stofnfundi klíkunnar. Byrjið bara að skrá ykkur svo við getum farið að kýla á það!

Hneyksli skekur þjóðina, lesið allt um það í DV!

2005-04-09T12:09:00.000-01:00

SKANDALL Í NJARÐVÍK
JÓSEP AFTUR í KAST VIÐ LÖGINN

Þetta er helst í fréttum..

2005-04-06T14:24:00.000-01:00

Ég las þessa frétt http://mbl.is/mm/frettir/erlent/frett.html?nid=1132505 áðan og sá fyrir mér hvernig hlutirnir gætu verið hér á Íslandi. Ég sé nokkra mögulega kosti við það að fylgja fordæmi Flórída fylki. Íslendingar fengju loksins að lifa aftur við frumstætt réttlæti; "Auga fyrir auga, tönn fyrir tönn." Allir ættu jafn mikla möguleika á að verja sig, ekki bara þeir stærstu og sterkustu, t.d mundi hugsanlegur nauðgari hugsa sig tvisvar um af hann vissi af 9mm Colt í g-strengnum hjá littlu sætu stúlkunni sem trítlar ein í gegn um skóginn eftir kóræfingu.

..og þetta eru víst vinir mínir! :-(

2005-04-05T14:15:00.000-01:00

Forsíða DV í gær!

VIÐJÓÐALISTINN

2005-03-30T19:50:00.000-01:00

Þá er komið að fyrsta topp 10 Viðbjóð-listanum

Kallarnir.is (viðbjóður sem svíður í augun)
Guðjón Arnar Gestsson, barnanauðgari (réttast að láta hann lesa alla pistlana á kallarnir.is eða þar til að augun bráðna úr höfðinu á honum)
Feitir "einkaþjálfarar" á sterum og ephedrine (fólk með svarta áru og slæma samvisku)
Fókus í DV (skárra væri að nota pappírinn á klósettin á Littla Hrauni en að setja þar pistla eftir ljóshærða, sterakjánann )
Ís-Cafe, Suðurlandsbraut (starfsfólkið samanstendur af dónalegum, feitum, illa talandi nýbúum og horuðum, illa talandi unglingum)
Bobby Fischer og vinir hans (mun kosta okkur íslendinga æruna..., nema þá kallana.is..., fyrir þá er Bobby upphefð)
Veruleikasjónvarp (ef einhverjum dettur í hug að gera svoleiðis þátt um kallana.is og Bobby, þá fer ég að drepa fólk)
Afgangurinn af páskaegginu mínu (viðbjóðsleg, klístruð klessa sem kallar á mig og þráir að láta mig lina þjáningar sínar)
Fólk sem leggur ólöglega vegna leti fyrir utan World Class (no other comment)
Reykingafólk! (segir sig sjálft hvers vegna það er á listanum..., það reykir!)

Unglingur = Strippalingur

2005-03-26T10:23:00.000-01:00

Ég pikkaði inn orðið "unglingur" í ensk-íslensku/íslensk-ensku tölvuorðabókina mína og niðurstöðurnar voru merkilegar!

n. (k.)youth; youngster; teenager; stripling; shaveling;
juvenile; adolescent.

Að íslenska orðið "strippalingur" sé komið úr ensku merkingunni "unglingur" er bara hreint út sagt rökrétt. Að ég skuli bara ekki hafa áttað mig á samhenginu fyrr!
Á Íslandi er svo mikið um asnalegar andstæður. Þá er ég ekki að tala um eld og ís eða önnur náttúrufyrirbæri. Ég er t.d. að tala um samfélagslegan þátt sem kemur þúsundum unglinga fárveikum í bælið árlega.
Tískufatnaður hannaður í París og Mílanó er einfaldlega ekki það sem dugar til að halda mannslíkamanum 37° heitum í -5° frosti og vindi. En það skiptir unglingana meira að óþroskaður líkamsvöxturinn fái að njóta sín fyrir augum almennings en að huga að heilsunni. Ég sé þetta bæði í biðröðum við skemmtistaðina um helgar og eins í skólanum sem ég sæki, þar sem ekki er byrjað að hafa "dresscode" en verður væntanlega gert eftir fund minn með nýjum skólastjóra. Já, mér er umhugað um heilsu fólks, líka unglinga-fólks þó svo ég þoli ekki unglinga. Ég væri annars ekki í því starfi sem ég er, ef svo væri ekki.
Ég er að velta þessu fyrir mér vegna þess að ég er heima veikur en smitið kom einmitt frá unglingnum mínum. Bara ef ég get kennt henni að klæða sig eins og að hún búi á íslandi sem er kalt land, Þá hef ég unnið mikinn sigur!
Ég hvet alla feður og mæður strippalinga til að kenna ungviðinu réttan klæðaburð, eitthvað sem í fyrsta lagi skýlir fyrir veðri og vindum en í öðru sæti fullnægjir hégómanum.

Nú fer ég að ráða við þetta!

2005-03-24T21:30:00.000-01:00

*Til athugunar:
Textinn hér að neðan fjallar um samskipti mín við ákveðinn ungling og er til gamans ritaður að hluta á unglingamálýsku.

*Ég er núna búnnað vera með gellunni í slatta af tíma og allt er barasta búnnað vera án meidjör stórslysa! Mar verður bara að pleyja með til að da gangi upp! Hún er náttla rosa góð við minns en stundum droppar hún bara í einhvusslags geg't klikk gír og mar bara skilur ekki neitt!!
*Lausleg þýðing:
Nú eru liðnir nokkrir mánuðir síðan ég fór að hafa dagleg samskipti við unglinginn minn og hefur það gengið svona eins og gerist og gengur í samböndum þar sem persónur og leikendur eru af sitthvorri kynslóðinni.

Ég fjallaði örlítið um samskiptavandamál okkar í öðrum pistli og hef fengið .... engin viðbrögð frá umheiminum. Ég fór því á stúfana og kom niður á vandaða vefsíðu þar sem flest vandamál í samskiptum fólks af öllum tegundum, eru krufinn og skeggrædd. Eftirfarandi texta afritaði ég úr pistli undir flokknum "Unglingar". Þar finn ég eflaust lykilinn að þeim skilning og þolinmæði sem ég þarfnast!

"Í stað þess að tala til þeirra og gefa þeim ráð varðandi framtíðina þá ættum við að reyna að sýna unglingnum skilning á hvernig honum líður í dag. Við verðum að átta okkur á því að ekkert sem við segjum skiptir unglinginn máli fyrr en hann veit að við berum líðan hans og hagsmuni fyrir brjósti og að okkur er ekki sama um hann. Unglingurinn trúir ekki að við getum skilið hann og að okkur sé ekki sama nema að hann viti að okkur hefur liðið eins og honum líður í dag."

Hvert fór sakleysið?

2005-03-23T20:25:00.000-01:00

Hver er ástæðan fyrir því að afar okkar og ömmur áttu bara í einu til tveimur samböndum um ævina meðan við nútímafólkið erum að hoppa á milli aðila af gagnstæða kyninu eins og við séum í einni alsherjar alheims-orgíu?
Hvað á sú skoðun eiginlega að þýða að sá eða sú sem hefur aðeins verið í nánum kynnum við 2-3 manneskjur á t.d. 25 ára ævi, sé eitthvað andlega fatlaður, innhverfur eða laumu-gay?
Voru afar okkar og ömmur flest bara innhverf og öfug? Eða voru þau bara svo óframfærin og feimin sem gerði þeim erfitt fyrir að nálgast aðila af hinu kyninu? Var það ekki bara gott mál? Ég held að afarnir mínir hafi ekkert verið óhamingjusamari en ég þó þeir hafi aðeins verið við ömmur mínar kenndir.
Ég er bara að velta þessu fyrir mér!
Ég spurði einhverntíman ömmu (eða hvort systir mín spurði hana og sagði mér svo frá því) hvort hún hefði verið með öðrum manni áður en hún og afi hittust. Svo var víst ekki og ég man að okkur fannst það bara alveg sjálfsagt og hinn allra eðlilegasti hlutur, að amma hefði aðeins verið við einn mann kennd um ævina.
En ef ég, fulltrúi nútímamannsins, færi á stefnumót við rúmlega tvítuga stúlku og hún segði mér að hún væri á sínu fyrsta stefnumóti, þá mundi ég eflaust hika aðeins og reyna að sjá hvað væri að henni, hvort hún væri með gervifót eða einhverskonar sindrom eins og gellan í "Gigalo Bigalo" myndinni með leikaranum sem er alltaf eins og hann sé nývaknaður....
Allavega þá er nokkuð víst að það fyrirfinnast ekki margir einstaklingar í nútímanum sem hafa ekki tekið þátt í stóru orgíunni. Hvar er allt sakleysið? Erum við öll druslur? Ég er allavega hættur! Tek ekki þátt í þessu lengur! Nú verð ég bara góð fyrirmynd og haga mér eins og afar mínir hefðu ætlast til af mér. Ekki orð um það meir! ......ekki í bili a.m.k

Unidentified Bjartlaus says:
Meðal maður prumpar 17 prump á sólarhring, kona 9 prump og ég 2p/m (prump per mín) http://home.kqnet.pt/timoteo/page8.html

Það eru til fleiri vitsmunaverur en Hr. Arnar

2005-03-23T09:44:00.000-01:00

Þetta er selur. Hann er vitsmunavera. Þessi selur býr yfir meira verkviti en margur maðurinn. Hann kann að nota verkfæri eins og sést á myndinni þar sem hann er með prik í hreifunum og notar það til ýmissa verka. Selir nota prik t.d. til að verjast hákörlum með því að pota prikunum augun á þeim.
Ég sá þennan sel í Húsdýragarðinum vera að æfa sig með prikið sitt og þrátt fyrir að vera handa og puttalaus (selir hafa hreifa eins áður kom fram) þá var hann mun flinkari með prikið en margur maðurinn
Ég sé á hverjum degi fólk sem kann ekki einu sinni að leggja í stæði. Þetta er fólkið sem skilur bílana sína eftir upp á gangstéttum, inn í runnum og jafnvel bara á götunum. Ég byði ekki í það að sjá þetta sama fólk með prik í hendinni. Það væri bara að bjóða hættunni heim.

Sannir vinir!

2005-03-22T14:36:00.000-01:00

Þetta er sannur vinskapur! Annar vinurinn kyrkjir hinn og hinn fyrirgefur hinum strax og reynir bara að brosa í gegn um tárin!

Gott knús er gulli betra

2005-03-22T07:39:00.000-01:00

Í gærkvöldi tókum við Jósep, sem er einn af mínum bestu vinum, létta Jiu-Jitsu æfingu og höfðum gaman af. Ekki láta blekkjast af svipnum á Jósep, hann er vanur að kaupa sér samúð þjálfarana með látalátum og sársaukastunum. Stundum gengur hann jafnvel svo langt að láta sér blæða til að láta mig líta út eins og einhvern fant og fúlmenni.
Ég hvet alla sem þetta lesa til að mæta á æfingu niður í laugum. Kennt er kl. 20:30 mán- mið- og föstudagskvöld. Það hefur sýnt sig í rannsóknum að fólk sem æfir ofbeldi í lokuðum hópi, er ólíklegra til að ganga í skrok á náunganum í daglegu lífi.
Annar kostur við þetta sport er að nútímamaðurinn er orðinn svo fjarlægur tilfynningum sínum að fólk snertist varla lengur. Í Jiu-Jitsu fær maður útrás fyrir niðurbælda snertiþörf svo um munar.

Sjáumst á æfingu!

Matartími í Laugum

2005-03-21T12:20:00.000-01:00

Núna rétt í þessu sat ég í mestu makindum með mat og drykk við hendina og var að fara að skoða tölvupóstinn minn, þegar gamall vinur kemur labbandi með fylgdarsvein sér við hlið og kastar á mig kveðju. Að sjálfsögðu tók ég vel í kveðjuna og svaraði með ekki verri kveðju, en þá fékk ég tuskuna í andlitið! Árni minn kæri vinur til margra ára, sakar mig um sukk og svínarí þar sem hann rekur augun í tortilluna mína og Malt flöskuna og segir síðan með ásökunartón að ég sé vökvaður!! Mér sortnaði fyrir augum og heyrði raddir og hlátur þeirra félaga blandast saman í einhverskonar nið sem síðan fjarlægðist í átt að ljósskímunni, þessa litlu birtu sem ég sá í myrkrinu, ég var við það að missa meðvitund þegar ég hrekk upp við að unglingurinn minn hellir Pepsi Max flöskunni sinni um koll og ég næ áttum.
Allt þetta gerðist á aðeins 3 sekúndum en ég fæ samt kalt vatn milli skinns og hörunds þegar ég hugsa....... HEY!! Það er satt hjá Árna! Ég er vökvaður! Ég er mað kalt vatn á milli skinnsins og hörundsins!
Takk Elsku Árni minn, nú skal ég fara að taka á mínum málum. Framundan er helkött sem aldrei fyrr!
Bíddu bara heimur og sjáðu! Þú munt verða vitni að atburði sem skrifað verður um í Íslendingasögur hinar síðari, eða a.m.k. í Séð&Heyrt.

Unglingavandamál

2005-03-19T10:53:00.000-01:00

Ég hef verið þekktur fyrir óbeit mína á unglingum í gegn um tíðina, eða alveg frá því ég sleit síðustu unglingaskónum mínum í kring um 20 ára afmælið mitt. Þá hóf ég störf í félagsmiðstöð og starfaði mest við að halda uppi aga. Það kom reyndar stundum út eins og að henda mink inn í hænsnakofa en ég nenni ekki að tala um það. Það sem skipti sköpum í að móta skoðanir mínar á unglingum og ala upp hatur mitt á þeim, var að í svona miklu návígi við unglingana, sá ég þeirra rétta eðli og það var ekki fögur sjón! Kvikindin eru með kynlíf og enskuslettur á heilanum sem er hreint út sagt skelfilegt!
Eins eru samskipti mín við unglinga í umferðinni efni í heilan þátt af "60 minutes" þar sem ýmis ógeðsleg atvik kæmu upp á yfirborðið og mundu líkast til koma af stað heiftúðlegri umræðu í þjóðfélaginu þar sem réttur unglinga til að aka ökutækjum væri ræddur af mikilli alvöru. Það kæmi mér ekki á óvart að sett yrðu neyðarlög á unglinga ef ég segði frá öllu sem ég hef upplifað á götum borgarinnar. Fock-merki og svínarí er meðal þeirra hluta sem ég gæti nefnt en ég vil helst ekki fara nánar út í smáatriði hér.
Nú virðist það skjóta skökku við að ég skuli vera þessi unglingahatari en er samt í sambandi með ungling af gagnstæðu kyni! Hljómar eins og Ku-klux-klan meðlimur í sambandi með svertingja! Það er í raun vini mínum Árna Jónssyni að þakka að ég sé að mildast í afstöðu minni til unglinganna. Hann hefur ávallt verið gagnríninn á þessa afstöðu mína og fór meira að segja í uppeldisfræðinám til Kaupmannahafnar í þeim tilgangi að læra rétta meðhöndlun á unglingum til þess að miðla málum milli mín og unglinganna. Það hefur hrifið að vissu marki en ég er samt í daglegri baráttu við unglinginn minn þar sem ég tók við henni áður en formlegu uppeldi á henni lauk.
Eitt það versta við þennan ráðahag eru tungumála-örðuleikar. Ég skil u.þ.b. 70% af töluðu máli hennar þar sem hin 30%in eru í formi slangurs og óskiljanlegra upphrópana, svo sem; "ó mæ gad", "díjsus", as if" og annara misþyrminga á talmálinu.
Ég lít á mig sem vísindamann sem leitast við að skilja hegðun og atferli framandi tegund mannvera. Það er göfugt verk en erfitt og bið ég um stuðning allra fullorðinna mér til handa.
Þeir sem vilja styrkja mig í þessu verkefni, geta sett hollráð í "Afskiptasemi" og/eða peninga í umslag og látið þá berast til mín eftir einhverjum leiðum.

Með fyrirfram þökkum.

Já, það var nú gaman í þá gömlu góðu daga!

2005-03-18T09:06:00.000-01:00

Ein mynd segir meira en þúsund orð. Ég hugsa til baka með söknuði, til æskuáranna þegar maður drakk til að ölvast og ölvaðist til að skemmta sér. Nú til dags skemmtir maður sér bara yfir Séð&Heyrt og jógúrtdrykk.

Where have all the good times gone?

Bestu orð allra tíma

2005-03-18T08:37:00.000-01:00

Eitthvað finnst mér ég hafa verið sniðgenginn þegar kosningin um "bestu orð allra tíma" fór fram í Englandi the other day. Lennon nokkur hlaut heiðurinn með orðunum "All you need is love". Í fyrsta lagi á er þetta algjör rökleysa og alhæfing. Til að mannveran þrífist þarf hún í fyrsta lagi vatn, næringu og hreint loft. Einnig mundi ég segja að svefn væri lífsnauðsynlegri en ást. Ekki skilja mig sem svo að ég hafi eitthvað á móti ást, ég er bara að velta fyrir mér hversvegna orð sem innihalda svo lítinn sannleika geta unnið keppni um bestu orð allra tíma!
Ég ætla ekki einusinni að koma með mitt framlag í þessa spilltu keppni í tjallalandi þar sem í fyrsta lagi er hún yfirstaðin og öðrulagi er ég sár og bitur að hafa ekki verið látinn vita af henni þar sem ég krefst þess að eiga alltaf síðasta orðið!

http://www.mbl.is/mm/folk/frett.html?nid=1130148

Liturinn á síðunni

2005-03-18T08:01:00.000-01:00

Mér hafa borist fyrirspurnir varðandi litinn á síðunni sem þykir ekki viðeigandi þegar haft er i huga hver það er sem skrifar hér og hvað hann stendur fyrir. Málið er einfaldlega það að 60 kílóa, bólugrafnir unglingar með hokið bak og lítið hjarta, mála á sig sýndarkarlmennsku t.d. með gaddavírstattúi, Ironmaidenbol og stórum gullhringjum, svo eitthvað sé nefnt.
Þar sem ég er hvorki í vafa með karlmennsku mína né kynhneigð, þá geng ég í gulum bolum og held úti bleikri bloggsíðu án þess að blikna.

"I know who I am and what I am!"

Til Hamingju hr.Arnar! Bloggari númer 10.000.000!

2005-03-17T08:41:00.000-01:00

Já, takk takk! Það var tilkynnt á fm.84.3 núna í morgun að ég væri tíumilljónasti bloggarinn í heiminum. Það er ekki verri heiður en hver annar. Ég á von á símtali frá mr. Chin Blogg Do á hverri stundu en hann er upphafsmaður bloggsins.
Ekki datt mér í hug fyrir 20 árum síðan að ég mundi nokkurn tíman verða tíumilljónasti-neitt! Því meir sem ég hugsa út í það, verð ég glaðari og hamingjusamari.
Ég mun deila hamingju minni með heiminum á þessari síðu eftir nennu.
Stay tuned!